ਨੋਟਬੰਦੀ ਨੇ ਭ੍ਰਿਸ਼ਟਾਚਾਰ ਦੇ ਨਵੇਂ ਰਾਹ ਖੋਲ੍ਹੇ : ਆਰਥਕ ਮਾਹਰ

ਨਵੀਂ ਦਿੱਲੀ, 19 ਮਾਰਚ : ਆਸਟ੍ਰੇਲੀਆ ਦੇ ਪ੍ਰਸਿੱਧ ਆਰਥਕ ਮਾਹਰ ਹੈਨਜ਼ ਡੀ ਕਰੂਜ਼ ਨੇ ਕਿਹਾ ਕਿ ਭ੍ਰਿਸ਼ਟਾਚਾਰ ਨੂੰ ਜੜ ਤੋਂ ਖ਼ਤਮ ਕਰਨ ਲਈ ਨੋਟਬੰਦੀ ਕਾਰਗਰ ਕਦਮ ਨਹੀਂ ਹੈ। ਉਨ੍ਹਾਂ ਨੇ ਇਸ ਕਦਮ ਨੂੰ ‘ਆਂਡੇ ਨਾਲ ਪੱਥਰ ਤੋੜਨ’ ਦਾ ਯਤਨ ਕਰਾਰ ਦਿਤਾ।

ਉਨ੍ਹਾਂ ਕਿਹਾ ਕਿ ਅਸਲ ਵਿਚ ਭਾਰਤ ਸਰਕਾਰ ਨੇ ਭ੍ਰਿਸ਼ਟਾਚਾਰ ਦੇ ਨਵੇਂ ਰਾਹ ਖੋਲ੍ਹ ਦਿਤੇ ਹਨ। ਪੀਟੀਆਈ ਨਾਲ ਵਿਸ਼ੇਸ਼ ਗੱਲਬਾਤ ਦੌਰਾਨ ਉਨ੍ਹਾਂ ਕਿਹਾ, ”ਜਿਥੋਂ ਤਕ ਮੈਂ ਸਥਿਤੀ ਨੂੰ ਸਮਝਦਾ ਹਾਂ ਇਹ ਕਦਮ (ਨੋਟਬੰਦੀ) ਪੱਥਰ ਨੂੰ ਆਂਡੇ ਨਾਲ ਤੋੜਨ ਦੀ ਯਤਨ ਸਾਬਤ ਹੋਇਆ ਹੈ। ਮੈਨੂੰ ਇਸ ਗੱਲ ‘ਤੇ ਬਹੁਤ ਜ਼ਿਆਦਾ ਸ਼ੱਕ ਹੈ ਕਿ ਨੋਟਬੰਦੀ ਭ੍ਰਿਸ਼ਟਾਚਾਰ ਨੂੰ ਖ਼ਤਮ ਕਰ ਦੇਵੇਗੀ ਅਤੇ ਵਧੇਰੇ ਪਾਰਦਰਸ਼ਤਾ ਲਿਆਵੇਗੀ।” ਕਰੂਜ਼ ਆਸਟ੍ਰੇਲੀਆ ਦੀ ਯੂਨੀਵਰਸਟੀ ਆਫ਼ ਗ੍ਰਾਜ਼ ਵਿਚ ਅਰਥਸ਼ਾਸਤਰ ਦੇ ਪ੍ਰੋਫ਼ੈਸਰ ਹਨ।

ਉਨ੍ਹਾਂ ਕਿਹਾ, ”ਸਰਕਾਰ ਨੇ 2000 ਰੁਪਏ ਦਾ ਨੋਟ ਪੇਸ਼ ਕੀਤਾ। ਇਹ ਬੰਦ ਕੀਤੇ ਗਏ ਨੋਟਾਂ ਦੇ ਮੁੱਲ ਦਾ ਦੁੱਗਣਾ ਜਾਂ ਚਾਰ ਗੁਣਾ ਬਣਦਾ ਹੈ। ਇਸ ਨੂੰ ਪ੍ਰਕਿਰਿਆ ਨੂੰ ਨੋਟਬੰਦੀ ਕਹਿਣਾ ਮੁਸ਼ਕਲ ਹੈ।” ਉਨ੍ਹਾਂ ਕਿਹਾ ਕਿ ਭ੍ਰਿਸ਼ਟਾਚਾਰ ਵਿਰੁਧ ਲੜਾਈ ਇਕ ਸ਼ਲਾਘਾਯੋਗ ਕਦਮ ਚਹੈ ਪਰ ਮੈਨੂੰ ਨਹੀਂ ਜਾਪਦਾ ਕਿ ਕੁੱਝ ਨੋਟਾਂ ‘ਤੇ ਪਾਬੰਦੀ ਰਾਹੀਂ ਇੱਛਤ ਟੀਚੇ ਹਾਸਲ ਕੀਤੇ ਜਾ ਸਕਦੇ ਹਨ।

ਨੋਟਬੰਦੀ ਦੇ ਭਾਰਤ ਦੀ ਆਰਥਕ ਰਫ਼ਤਾਰ ‘ਤੇ ਪੈਣ ਵਾਲੇ ਅਸਰ ਬਾਰੇ ਪੁੱਛੇ ਜਾਣ ‘ਤੇ ਉਨ੍ਹਾਂ ਆਖਿਆ ਕਿ ਹਾਲੇ ਨੋਟਬੰਦੀ ਦੇ ਅਸਰ ਦਾ ਮੁਲਾਂਕਣ ਕਰਨਾ ਜਲਦਬਾਜ਼ੀ ਹੋਵੇਗੀ। ਦੂਜਾ ਇਹ ਕਿ ਹੁਣ ਤਕ ਸਾਹਮਣੇ ਆਏ ਅੰਕੜੇ ਸਿਰਫ਼ ਅੰਦਾਜ਼ੇ ‘ਤੇ ਆਧਾਰਤ ਹਨ।

from Punjab News – Latest news in Punjabi http://ift.tt/2miSrbT