ਅਲਕਾਇਦਾ ਦਾ ਅਤਿਵਾਦੀ ਅਮਰੀਕਾ ‘ਚ ਕਈ ਅਪਰਾਧਾਂ ਲਈ ਦੋਸ਼ੀ ਕਰਾਰ

ਨਿਊਯਾਰਕ, 19 ਮਾਰਚ : ਅਮਰੀਕਾ ਦੀ ਇਕ ਅਦਾਲਤ ਨੇ ਅਫ਼ਗ਼ਾਨਿਸਤਾਨ ‘ਚ ਅਮਰੀਕੀ ਫ਼ੌਜੀਆਂ ਦੀ ਹਤਿਆ ਅਤੇ ਨਾਈਜ਼ੀਰੀਆ ‘ਚ ਅਮਰੀਕੀ ਦੂਤਘਰ ਵਿਖੇ ਹੋਏ ਬੰਬ ਧਮਾਕੇ ਦੀ ਸਾਜ਼ਸ਼ ਸਮੇਤ ਕਈ ਅਤਿਵਾਦੀ ਅਪਰਾਧਾਂ ਲਈ ਅਲਕਾਇਦਾ ਦੇ ਇਕ ਅਤਿਵਾਦੀ ਨੂੰ ਦੋਸ਼ੀ ਪਾਇਆ ਹੈ। ਇਹ ਅਤਿਵਾਦੀ ਪਾਕਿਸਤਾਨ ਦੀ ਯਾਤਰਾ ਕਰ ਚੁੱਕਾ ਹੈ ਅਤੇ ਇਸ ਸਮੇਂ ਉਸ ਨੇ ਅਤਿਵਾਦੀ ਸੰਗਠਨ ਦੇ ਮੁਖੀਆਂ ਨਾਲ ਵੀ ਮੁਲਾਕਾਤ ਕੀਤੀ ਸੀ।

ਨਾਈਜ਼ੀਰੀਆ ਦੇ ਰਹਿਣ ਵਾਲੇ 46 ਸਾਲਾ ਇਬਰਾਹਿਮ ਸੁਲੇਮਾਨ ਅਦਨਾਨ ਆਦਮ ਹਾਰੂਨ ਨੂੰ ਅਮਰੀਕੀ ਨਾਗਰਿਕਾਂ ਦੀ ਹਤਿਆ ਦੀ ਸਾਜ਼ਿਸ਼, ਸਰਕਾਰੀ ਅਦਾਰਿਆਂ ‘ਚ ਬੰਬ ਹਮਲੇ ਦੀ ਕੋਸ਼ਿਸ਼, ਵਿਦੇਸ਼ੀ ਅਤਿਵਾਦੀ ਸੰਗਠਨ ਅਲਕਾਇਦਾ ਨੂੰ ਸਮਗਰੀ ਉਪਲੱਬਧ ਕਰਵਾਉਣ ਅਤੇ ਅਤਿਵਾਦੀ ਸੰਗਠਨਾਂ ਲਈ ਵਿਸਫ਼ੋਟਕਾਂ ਦੀ ਵਰਤੋਂ ਕਰਨ ਸਮੇਤ ਸਾਰੇ ਪੰਜ ਦੋਸ਼ਾਂ ਲਈ ਦੋਸ਼ੀ ਪਾਇਆ ਗਿਆ। ਜੂਨ ‘ਚ ਜਦੋਂ ਉਸ ਨੂੰ ਸਜ਼ਾ ਸੁਣਾਈ ਸੀ ਤਾਂ ਉਸ ਨੂੰ ਉਮਰ ਕੈਦ ਦੀ ਸਜ਼ਾ ਸੁਣਾਈ ਗਈ ਸੀ।

ਅਮਰੀਕਾ ‘ਚ 11 ਸਤੰਬਰ ਨੂੰ ਹੋਏ ਹਮਲੇ ਤੋਂ ਕੁੱਝ ਹਫ਼ਤੇ ਪਹਿਲਾਂ ਹਾਰੂਨ ਅਫ਼ਗ਼ਾਨਿਸਤਾਨ ਗਿਆ ਸੀ ਅਤੇ ਅਲਕਾਇਦਾ ਨਾਲ ਜੁੜ ਗਿਆ ਸੀ। ਉਸ ਨੂੰ ਸੰਗਠਨ ਦੇ ਸਿਖਲਾਈ ਕੈਂਪ ‘ਚ ਟ੍ਰੇਨਿੰਗ ਦਿਤੀ ਗਈ ਅਤੇ ਉਸ ਨੇ ਅਫ਼ਗ਼ਾਨਿਸਤਾਨ ‘ਚ ਅਮਰੀਕ ਅਤੇ ਗਠਜੋੜ ਫ਼ੌਜੀਆਂ ‘ਤੇ ਹੋਏ ਹਮਲੇ ਵਿਚ ਹਿੱਸਾ ਲਿਆ ਸੀ, ਜਿਸ ‘ਚ 2003 ਵਿਚ ਅਮਰੀਕਾ ਫ਼ੌਜ ਦੇ ਦੋ ਮੈਂਬਰ ਮਾਰੇ ਗਏ ਸਨ ਅਤੇ ਕਈ ਜ਼ਖ਼ਮੀ ਹੋ ਗਏ ਸਨ।
ਕੌਮੀ ਸੁਰੱਖਿਆ ਮਾਮਲੇ ਦੇ ਅਸਿਸਟੈਂਟ ਅਟਾਰਨੀ ਜਨਰਲ ਮੈਰੀ ਬੀ ਮੈਕਾਰਡ ਨੇ ਕਿਹਾ, ”ਹਾਰੂਨ ਇਕ ਅਲਕਾਇਦਾ ਅਤਿਵਾਦੀ ਹੈ, ਜਿਸ ਨੇ ਦੋ ਦੇਸ਼ ‘ਚ ਅਮਰੀਕੀ ਲੋਕਾਂ ਅਤੇ ਉਨ੍ਹਾਂ ਦੇ ਠਿਕਾਣਿਆਂ ਨੂੰ ਨਿਸ਼ਾਨਾ ਬਣਾਇਆ। ਸੁਣਵਾਈ ਦੌਰਾਨ ਪੇਸ਼ ਕੀਤੇ ਗਏ ਸਬੂਤ ਇਹ ਸਾਬਤ ਕਰਦੇ ਹਨ ਕਿ ਦੋਸ਼ੀ ਅਤੇ ਦੂਜੇ ਜਿਹਾਦਿਆਂ ਨੇ ਅਫ਼ਗ਼ਾਨਿਸਤਾਨ ‘ਚ ਅਮਰੀਕੀ ਫ਼ੌਜੀਆਂ ‘ਤੇ ਹਮਲੇ ਕੀਤਾ, ਜਿਸ ‘ਚ ਦੋ ਦੀ ਮੌਤ ਹੋ ਗਈ ਅਤੇ ਕਈ ਹੋਰ ਜ਼ਖ਼ਮੀ ਹੋ ਗਏ ਸਨ।”

from Punjab News – Latest news in Punjabi http://ift.tt/2n5cA3X