ਉੱਤਰ ਕੋਰੀਆ ਨੇ ਨਵੇਂ ਰਾਕੇਟ ਇੰਜਨ ਦਾ ਪ੍ਰੀਖਣ ਕੀਤਾ

ਸੋਲ, 19 ਮਾਰਚ : ਉੱਤਰ ਕੋਰੀਆ ਨੇ ਅਪਣੇ ਟੋਂਗਾਂਗ-ਰਾ ਰਾਕੇਟ ਲਾਂਚ ਸਟੇਸ਼ਨ ਤੋਂ ਇਕ ਨਵੀਂ ਵਿਕਸਿਤ ਤੇਜ਼ ਰਫ਼ਤਾਰ ਰਾਕੇਟ ਇੰਜਨ ਦਾ ਪ੍ਰੀਖਣ ਕੀਤਾ ਹੈ। ਉੱਤਰ ਕੋਰੀਆ ਦੇ ਸਰਕਾਰੀ ਮੀਡੀਆ ਨੇ ਇਹ ਜਾਣਕਾਰੀ ਦਿਤੀ ਹੈ।
ਕੇ.ਸੀ.ਐਨ.ਏ. ਦੀ ਖ਼ਬਰ ਅਨੁਸਾਰ ਪ੍ਰੀਖਣ ਦਾ ਨਿਰੀਖਣ ਕਰਦਿਆਂ ਨੇਤਾ ਕਿਮ ਜੋਂਗ-ਉਨ ਨੇ ਇਸ ਗੱਲ ‘ਤੇ ਜ਼ੋਰ ਦਿਤਾ ਕਿ ਪੂਰੀ ਦੁਨੀਆ ਛੇਤੀ ਹੀ ਵੇਖੇਗੀ ਕਿ ਅੱਜ ਦੀ ਮਹਾਨ ਜਿੱਤ ਦੀ ਕੀ ਮਹੱਤਤਾ ਹੈ। ਕਿਮ ਅਪਣੀ ਗੱਲ ਰਾਹੀਂ ਇਹ ਸੰਕੇਤ ਦੇ ਰਹੇ ਸਨ ਕਿ ਉੱਤਰ ਕੋਰੀਆ ਇਕ ਨਵਾਂ ਰਾਕੇਟ ਬਣਾਉਣ ਦੀ ਤਿਆਰੀ ਕਰ ਰਿਹਾ ਹੈ। ਕੇ.ਸੀ.ਐਨ.ਏ. ਨੇ ਕਿਹਾ ਕਿ ਇਹ ਇੰਜਨ ਦੇਸ਼ ਨੂੰ ਵਿਸ਼ਵ ਪਧਰੀ ਸੈਟੇਲਾਈਟ ਲਾਂਚ ਦੀ ਸਮਰੱਥਾ ਨੂੰ ਹਾਸਲ ਕਰਨ ਵਿਚ ਮਦਦ ਕਰੇਗਾ। ਏਜੰਸੀ ਨੇ ਕਿਹਾ ਕਿ ਇਹ ਪ੍ਰੀਖਣ ਮਿਜ਼ਾਈਲ ਯੰਤਰ ਨੂੰ ਲੰਮੀ ਦੂਰੀ ਤਕ ਲੈ ਜਾਣ ਦੇ ਕਾਬਲ ਹੋਵੇਗਾ।
ਜ਼ਿਕਰਯੋਗ ਹੈ ਕਿ ਨਵੇਂ ਅਮਰੀਕੀ ਵਿਦੇਸ਼ ਮੰਤਰੀ ਰੈਕਸ ਟਿਲਰਸਨ ਅਮਰੀਕਾ ਦੇ ਸਹਿਯੋਗੀ ਜਾਪਾਨ ਅਤੇ ਦਖਣੀ ਕੋਰੀਆ ਦੀ ਯਾਤਰਾ ਕਰਨ ਤੋਂ ਬਾਅਦ ਬੀਤੇ ਦਿਨ ਬੀਜਿੰਗ ਪੁੱਜੇ। ਉਨ੍ਹਾਂ ਕਿਹਾ ਕਿ ਅਮਰੀਕਾ ਪਿਉਂਗਯਾਂਗ ਨੂੰ ਹੁਣ ਸ਼ਾਂਤੀਪੂਰਨ ਤਰੀਕੇ ਨਾਲ ਕੰਮ ਕਰਨ ਲਈ ਨਹੀਂ ਕਹੇਗਾ। ਟਿਲਰਸਨ ਨੇ ਇਹ ਚਿਤਾਵਨੀ ਦਿਤੀ ਕਿ ਉੱਤਰ ਕੋਰੀਆ ਵਿਰੁਧ ਅਮਰੀਕੀ ਫ਼ੌਜੀ ਕਾਰਵਾਈ ਦਾ ਵਿਕਲਪ ਮੌਜੂਦ ਹੈ।

from Punjab News – Latest news in Punjabi http://ift.tt/2mKGlUO