ਸਰੀ ’ਚ ਗੋਲੀਬਾਰੀ ਨਾਲ ਪੰਜਾਬੀਅਾਂ ’ਚ ਸਹਿਮ

ਵੈਨਕੂਵਰ, 15 ਜੂਨ : ਸਰੀ ਵਿੱਚ ਗੋਲੀਬਾਰੀ ਦੀਆਂ ਘਟਨਾਵਾਂ ’ਤੇ ਕੁਝ ਸਮਾਂ ਠੱਲ੍ਹ ਪਈ ਰਹਿਣ ਤੋਂ ਬਾਅਦ ਹੁਣ ਫਿਰ ਰੋਜ਼ ਗੋਲੀਬਾਰੀ ਦੀਅਾਂ ਹੋਣ ਲੱਗ ਪੲੀ ਹੈ। ਬੀਤੀਆਂ ਤਿੰਨ ਰਾਤਾਂ ਦੌਰਾਨ ਤਿੰਨ ਥਾੲੀਂ ਗੋਲੀਆਂ ਚਲੀਆਂ ਹਨ, ਜਿੰਨਾਂ ’ਚ ਛੇ ਪੰਜਾਬੀ ਜ਼ਖ਼ਮੀ ਹੋ ਗੲੇ। ਪੁਲੀਸ ਅਨੁਸਾਰ ਤਿੰਨੇ ਘਟਨਾਵਾਂ ਮਿੱਥ ਕੇ ਕੀਤੀਆਂ ਗਈਆਂ ਹਨ। ਵੀਰਵਾਰ ਰਾਤ ਸਰੀ ਦੇ ਦੱਖਣੀ ਪਾਸੇ ਅਮਰੀਕਨ ਸਰਹੱਦ ਕੋਲ ਇਕ ਘਰ ਵਿੱਚ ਤਿੰਨ ਵਿਅਕਤੀ ਜ਼ਖ਼ਮੀ ਹੋ ਗਏ ਜਿੰਨਾਂ ’ਚੋਂ ਇਕ ਦੀ ਹਾਲਤ ਗੰਭੀਰ ਦੱਸੀ ਗਈ ਹੈ। ਸ਼ੁੱਕਰਵਾਰ ਰਾਤ 152 ਸਟਰੀਟ ਤੇ ਹਾਈਵੇਅ 10 ਕੋਲ ਇਕ ਘਰ ’ਚ ਗੋਲੀਆਂ ਚਲੀਆਂ, ਜਿਥੋਂ ਪੁਲੀਸ ਨੂੰ 30 ਖਾਲੀ ਖੋਲ ਮਿਲੇ ਤੇ ਦੋ ਜ਼ਖ਼ਮੀਆਂ ਨੂੰ ਹਸਪਤਾਲ ਪਹੁੰਚਾਇਆ। ਬੀਤੀ ਰਾਤ ਫਿਰ 186 ਸਟਰੀਟ ਦੇ ਇਕ ਘਰ ’ਚ ਉਹੀ ਕੁਝ ਹੋਇਆ ਜਿਥੇ ਇਕ ਵਿਅਕਤੀ ਜ਼ਖ਼ਮੀ ਹੋ ਗਿਆ। ਪੁਲੀਸ ਨੇ ਦੋ ਪੰਜਾਬੀ ਅਫਸਰ ਤਾਇਨਾਤ ਕਰਕੇ ਕੁਝ ਮੁੰਡਿਆਂ  ਨੂੰ  ਫੜ ਕੇ ਮਸਲਾ ਹੱਲ ਕਰਨ ਦੇ ਦਾਅਵੇ ਕੀਤੇ ਸਨ ਪਰ ਪਰਨਾਲਾ ਉਥੇ ਦਾ ਉਥੇ ਹੈ।