ਪੂਤਿਨ ਦੇ ਚੌਥੀ ਵਾਰ ਰਾਸ਼ਟਰਪਤੀ ਬਣਨ ਲਈ ਰਾਹ ਪੱਧਰਾ

ਮਾਸਕੋ, 19 ਸਤੰਬਰ  : ਰੂਸ ਵਿੱਚ ਸੱਤਾਧਾਰੀ ਯੂਨਾਈਟਿਡ ਰਸ਼ੀਆ ਪਾਰਟੀ ਨੂੰ ਸੰਸਦੀ ਚੋਣਾਂ ਵਿੱਚ ਮਿਲੀ ਆਸਾਨ ਤੇ ਵੱਡੀ ਜਿੱਤ ਨਾਲ ਰਾਸ਼ਟਰਪਤੀ ਵਲਾਦੀਮੀਰ ਪੂਤਿਨ ਦਾ 2018 ਦੀਆਂ ਚੋਣਾਂ ਵਿੱਚ ਚੌਥੀ ਵਾਰ ਰਾਸ਼ਟਰਪਤੀ ਬਣਨ ਲਈ ਰਾਹ ਪੱਧਰਾ ਹੋ ਗਿਆ ਹੈ। ਐਤਵਾਰ ਨੂੰ ਰੂਸੀ ਸੰਸਦ ਦੇ ਹੇਠਲੇ ਸਦਨ (ਦੂਮਾ) ਦੀਆਂ 450 ਸੀਟਾਂ ਲਈ ਹੋਏ ਮੱਤਦਾਨ ਵਿੱਚੋਂ ਪਾਰਟੀ ਨੇ 343 ਸੀਟਾਂ ’ਤੇ ਜਿੱਤ ਦਰਜ ਕੀਤੀ ਹੈ। ਹੁਣ ਤੱਕ 93 ਫੀਸਦੀ ਵੋਟਾਂ ਦੀ ਗਿਣਤੀ ਮੁਕੰਮਲ ਹੋ ਚੁੱਕੀ ਹੈ ਤੇ ਪੂਤਿਨ ਦੀ ਪਾਰਟੀ ਨੂੰ ਕੁਲ ਵੋਟ ਫੀਸਦੀ ’ਚੋਂ 54.3 ਫੀਸਦ ਵੋਟਾਂ ਪਈਆਂ। ਪਾਰਟੀ ਕੋਲ ਪਿਛਲੀਆਂ ਸੰਸਦੀ ਚੋਣਾਂ ਵਿੱਚ 238 ਮੈਂਬਰ ਸਨ।  ਉਂਜ ਚੋਣਾਂ ਦੌਰਾਨ 50 ਫੀਸਦ ਤੋਂ ਘੱਟ ਮਤਦਾਨ ਹੋਇਆ।